-Орос 3:1 Египт. Энэ таны хамгийн аз жаргалтай өдөр үү? гэсэн сурвалжлагчийн асуултад,
-Сэтгэгдэл өндөр, сэтгэл санаа сайхан байна. Гэхдээ хамгийн аз жаргалтай өдөр биднийг тосон хүлээж байгаа гэж итгэж байна гэж Черчесов хэвлэлийн бага хурлын үеэр хэлэв. -Египтийн багт биднийг хожих шаардлага тулгарсан. Тэдэнд довтлохоос өөр арга зам үлдээгүй. Түүнийг нь бид хүсэж байсан. "Хожих хэрэгтэй", "Хүсэх" гэдэг хоёр өөр асуудал. Бидний хүссэнээр тоглолт өрнөсөн. Тэд нэг алдсан, хоёр алдсан. Гурав дахь дээр бид гоолдсон. Хоёрдугаар хагасын эхэнд бидний оруулсан түргэн гоол тэдний тоглолтыг эвдсэн. Тэд үймэрсэн. З дахь гоолын дараа тэд тоглолтоо алдсан. Тоглолт бидний санасан схемээр өрнөсөн. -Одоо Новогорстдоо харьж, багийнхаа хамт нойр авч, сайхан амрахыг л хүсэж байна.
-2 тоглолт, 2 хожил, 8 гоол. Хамгийн олон гоол. Оросын баг Дэлхийн аварга болох уу? гэсэн Германы сэтгүүлчийн асуултанд,
-2 тоглоод, 2 хожоод, 8 гоол оруулбал Дэлхийн аварга болгоно гэсэн бол болох нь. Гэхдээ тийм зүйл байхгүй. Дараагийн тоглолтоо Уругвайтай хийнэ. Энэ бол өмнөх багуудтай зүйрлэх баг биш гэж Оросын дасгалжуулагч Черчесов Хэвлэлийн бага хурлын үеэр сэтгүүлчдийн сонирхсон асуултанд хариулав.
Ц.ХИШГЭЭ
