.jpg)
Бурхан хүн төрөлхтөнд гурван зүйлийг заасан бөгөөд энэ гурвуул эхнээсээ эхлэн амгалан хөгжүүлсэн хүндээ асар их ач тусыг өгдөг аж.
Эхнийх нь сахил юм. Амьтан хөнөөхгүй, худал хэлэхгүй, хулгай хийхгүй, мансууруулах зүйл хэрэглэхгүй, өөрийн эр нөхрөөс өөр хүнтэй бэлгийн харилцаанд орохгүй гэх мэт таван сахил сахиснаар асар их буян хураах ба таван сахилын буянаар энэ төрөлдөө тайван амгалан байхаас гадна дараа төрөлдөө хүслийн ертөнцийн зургаан тэнгэрийн орны аль нэгэнд төрх нь баталгаатай аж.
Хоёр дахь нь Анапана бясалгалаа хөгжүүлж самадид орж чадвал 15 давхарга бүхий Брахма тэнгэрийн оронд төрж олон их галавын турш самадхигын жаргалд умбан амьдрах нь баталгаатай ажээ.
Гурав дахь нь Бурханы заасан Випашная бясалгалаар билгүүнээ хөгжүүлж үйлийн үрийг бүрэн устгаж чадваас энэ биеэрээ нирвааны их амгаланд хүрэх ажээ.
Тэгэхээр Бурханы заасан сахил, самаади, билгүүн гурвыг амьдралд хэрэгжүүлэх нь агуу ач тусыг өгдөг ажгуу.
Л.ГАНТУЯА
