МУ-ын Хөдөлмөрийн баатар, Ардын уран зохиолч, Төрийн шагналт, Соёлын гавьяат зүтгэлтэн, яруу найрагч, төр, нийгмийн зүтгэлтэн, их соён гэгээрүүлэгч Б.Лхагвасүрэнг үдэх ёслол Улсын драмын Эрдмийн театрт боллоо.
Салах ёслолд төр, нийгмийн зүтгэлтнүүд, урлаг соёлынхон, зохиолч, яруу найрагч нөхөд нь, уншигч, сонсогч, үзэгчдийн төлөөлөл хүрэлцэн иржээ.
МУ-ын Ерөнхий сайд У.Хүрэлсүх, УИХ-ын дарга Г.Занданшатар болон УИХ, Засгийн газрын гишүүд их найрагчтай салах ёс хийж, гэр бүл, төрөл төрөгсдөд нь гүн эмгэнэл илэрхийллээ.
Их найрагчтай салах ёс гүйцэтгэх ёслол 07.00-09.00 цагт болж, зохиолчийн төрсөн нутаг Төв аймгийн Баян-Өнжүүл сумын нутагт хөдөөлүүлнэ. Ерөнхий сайд У.Хүрэлсүх Их найрагчийг эцсийн замд нь үдэх ажлыг ЗГХЭГ-аас зохион байгууллаа.
ИХ ЯРУУ НАЙРАГЧИЙГ СҮҮЛЧИЙН ЗАМД НЬ ИНГЭЖ ҮДЖЭЭ
Найрагчийн шавь Даваасүрэнгийн фото дуранд хэрхэн бууснаар дүрслэн үзүүллээ.