Олон улсын "Playtime" хөгжмийн фестиваль энэ жил АНУ-ын алдарт "Cigarettes After Sex" хамтлагийг урьжээ. Хамтлагийн зүгээс урилгыг хүлээн авсан нь үнэн гэдгийг зохион байгуулагчдаас мэдээллээ.
2022 онд "Playtime" фестиваль дөрвөн өдрийн турш үргэлжилж, хөгжимд дурлагч соёлч олон нийтийг цуглуулсан. Монголын анхны амьд хөгжмийн фестиваль гэдэг нэн тэргүүний тодотголтой, нэр хүнд нь нэгэнт дархлагдсан олон улсын хэмжээний эл фестиваль өнгөрсөн жил "Motorama", "Mono" зэрэг хамтлагийг урьж, тоглуулсан билээ.
"Cigarettes After Sex"-ийг Dream Pop урсгалын хамгийн том төлөөлөгч гэж үздэг. Амьд хөгжим суурьтай, аялгуулаг намуун хэмнэлтэй, гүн гүнзгий утга агуулгаар дамжуулан сонсогчийн зүрх сэтгэлийн гүнд хүрдэг эл хамтлаг монгол фэнүүдтэйгээ ийн уулзах нь.
2023 оны "Playtime" фестиваль долдугаар сарын 6, 7, 8-нд болох бөгөөд эртэч тасалбар худалдаанд гараад байгаа юм.
Эх сурвалж: eguur.mn
