Өнөөдөр 18:00 цагийн орчимд чулуулгийн хагарлын бүсийн дагуу газар хөдлөлтийн шинжтэй үзэгдэл болж, Оюутолгойн гүний уурхайд чичирхийлэл бүртгэгдсэн байна.
Чичирхийллээс үүдсэн чулуулгийн нуралтад 15 ажилтан өртөж бэртэл авсан бөгөөд тэдэнд эмнэлгийн тусламж үзүүлж, оношилгоо хийгдэж байгаа аж.
Уурхайн ослын удирдлага, уурхайн аврах багууд шуурхай арга хэмжээ авч, тухайн үед гүний уурхайд ажиллаж байсан бүх ажилтныг бүртгэж, эрүүл мэндийн байдлыг нягталжээ.
Одоогоор ямар нэгэн хүний амь нас эрстээгүйг "Оюутолгой" ХХК-аас мэдээллээ.
Нөхцөл байдлын үнэлгээ үргэлжилж байгаа аж.
Эх сурвалж: ikon.mn, "Оюутолгой" ХХК-ийн мэдээлэл
