Энэхүү шинэхэн нийгмийн сүлжээ нь samsung instagram, snapchat хоёрын зарчмыг нэгтгэсэн гэсэн үг юм. Уг сүлжээ бидний мэдэх зураг, бичлэгээ нийтлэх зарчмаар ажиллана гэнэ. Харин Instagram-аас ялгарах гол онцлог нь хэрэглэгч зураг болон бичлэгээ өөрийн хуудсан дээрээ нэг сэдэвт эвлүүлэг хэлбэрээр оруулах юм. Мөн хэрэглэгчийн найзууд ч үүссэн эвлүүлэг дээр зураг эсвэл бичлэгээ нэмж байрлуулж болно. Одоогоор Waffle зөвхөн Android үйлдлийн систем дээр туршилтаар хэрэгжиж байгаа аж. Туршилт энэ зуныг дуустал үргэлжлэх бөгөөд үүний дараа Samsung шинэ нийгмийн сүлжээг цааш хөгжүүлэх эсэхээ шийдэх юм байна.
Х. АЯЛГУУ
