Алим
Цэвэр алиманд пектин хэмээх уураг болон витамин С их хэмжээгээр агуулагддаг бөгөөд, холестрол болон глюкозын хэмжээ бага байдаг. Гэхдээ алимны хальсыг мартаж болохгүй. Үүнд quercetin гэж нэрлэгдэх үл исэлдүүлэгч бодис агуулагддаг байна.
Нэрс
Нэрс нь хөлдөөсөн жимс болон хүнсний ногооны дотроос хамгийн өндөр үл исэлдүүлэх чанартай байдаг. Нэрсэнд бага калоритай ширхэглэг уураг болон витамин С агуулагддаг бөгөөд хорт хавдар, зүрх судасны өвчнөөс урьдчилан сэргийлж тархины үйл ажиллагаанд сайнаар нөлөөлдөг аж. Цэвэр нэрсийг намрын улиралд худалдан авч нөөцлөн хөлдөөж өвөл хэрэглэсэн ч чанараа алддаггүй.
Цэцэгт байцаа
Энэхүү гайхамшигт ногоо нь витамин А, С, кальци, кали болон бусад олон чухал эрдсийг агуулдаг. Цэцэгт байцаа нүдний үйл ажиллагаанд эерэгээр нөлөөлж, хавдраас урьдчилан сэргийлэн, цусыг шингэлдэг бөгөөд өөр ямар ч хүнсний бүтээгдэхүүнээс илүү ихээр калцийг агуулсан байдаг.
Гүзээлзгэнэ
Энэхүү амтат улаан жимс нь витамины хүчирхэг эх үүсвэр бөгөөд үл исэлдүүлэгчдийг өөртөө агуулдаг. Зөвхөн бөөр гэлтгүй хавдар, үрэвслийн эсрэг үйлчилгээтэй ба зүрхийг давхар хамгаална.
Бууцай
Навчирхаг ногоон ургамал нь витамин А, С, К болон фолийн хүчлийг ихээр агуулдаг ба дархлалын системийг дэмжиж, харааг хамгаалдаг.
Амтат төмс
Амтат төмс нь А, С, В-6 зэрэг витаминууд болон калийн эх үүсгэвэр болдог. Дунд зэргийн хэмжээтэй нэг ширхэг төмс 112 калори бөгөөд 4 грамм орчим уураг агуулдаг.
А.ТҮВШИН
