Ямаха брэндийн 2016 онд гаргасан Спорт загварын YXZ1000R UTV-г Тотал Моторс компани Монголын экстрим Офф-Роад сонирхогчид, 4 дугуйт сонирхогчдод танилцуулж байна.
Тус UTV нь 4 дугуйт болон мотоциклын аль ч ангилалд багтдаггүй бөгөөд UTV буюу /Utility Vehicle/, /Side by Side/ ангилалд багтдаг юм. Онцлог талууд нь тэнцвэртэй, хөдөлгүүрийн багтаамж ихтэй, зориулалтаасаа шалтгаалаад 2-4 хүн суух боломжтой, зорчигчийг хамгаалсан ган төмөр бүхий бүрхүүлтэй, аюулгүй байдлыг илүү анхаарсан байдаг юм.
Энэхүү ангилалд багтах UTV-нь ан гөрөө, холын аялал, спорт уралдаан, аж ахуйн хэрэглээ зэрэг олон талын ач холбогдолтойгоор ашиглах боломжтой бөгөөд манай оронд холын аялал, спорт уралдааны чиглэлээр илүү хөгжиж байна. Ямаха брэндийн UTV-ийн хувьд ямар зориулалтаар ашиглахаас шалтгаалан доорх хөдөлгүүрийн багтаамж болон загвар дизайныг өөрт шингээсэн байдаг.
Ямаха брэндийн YXZ1000R нь 2016 онд Ямаха Мотор брэнд үүссэний 60 жилийн ойд зориулан гаргасан загвар бөгөөд механик хурдны хайрцаг бүхий 1000сс хөдөлгүүрийн багтаамжтай, 3 цилиндрийн хөдөлгүүр, Фокс брэндийн 4 амортизатортай, 35 л-ийн шатахууны багтаамж, 100км/15-20 л хүртэл шатахуун зарцуулдаг юм.
