Залуу насанд хүн бөх гэгч нь нойрсч, хэр баргийн чимээнд сэрэхгүйгээр унтдаг. Харин нас өтлөх тусам хүн нойрондоо муудан, амархан сэрдэг, нойр хүрэхгүй хулждаг, эргэж хөрвөөх, унтъя гэсэн ч унтахгүй байх нь элбэгшдэг. Энэ нь таны нойр өтөлж байна гэсэн үг юм. Хүний нойр хөгширдгийг эрдэмтэд нотолжээ. Иймд эрт хөгшрөхгүй тайван нойрсъё гэвэл унтахаасаа нэг цагийн өмнө агаарт гарч байх, унтахын өмнө хөлөө бүлээн усанд 10-20 минут дүрж байлгах, мөн нэг аяга бүлээн сүү ууж унтвал та бөх гэгч нь нойрсч залуу хэвээр байх нь. Харин унтахаар хэвтэхээсээ өмнө утсаар байнга ярих, кофе шоколад идэх нь хортой бөгөөд нойрыг сэргээдэг байна.
Д.БУЯНЖАРГАЛ
