МОНГОЛ БИЧИГ, ЗУРГИЙН ХОСОЛМОЛ УРЛАГ

2017-05-26  

“Дарханы номын нөхөд” клубийн ууган гишүүн, оюуны садан эрхэм дүү Жадамбаагийн Эрхэмсайхан багшийн ур авъяас, Монгол хэлээ залуу үед өвлүүлэхээр хийж байгаа бүтээлийг нь үнэлээд баршгүй. Дархан хотын Боловсрол Соёлын газрын байранд Эрхэмсайхан багшийн уралсан зураг бичээс бүхий шүлэг найргийн дээжис нэг ханаар нь дүүрэн байдаг. Энд нилээн хэдэн жил болж байгаа энэ үзэсгэлэнг, үзээгүй бол очиж сонирхоорой.

Эдгээр нь түрүү үеийнх нь бүтээлүүд. Үүнээс хойш олон гоё зураг бичээс уралсан. Хуучны судар ном хэвэлдэг муутуу цаасан дээр бэхээр Монгол бичигээр уралдаг. Бүхэл бүтэн тууль, найраглал, сургаалийг Монгол бичгээр урлан дэлгэсээр байна. Дарханчууддаа зориулан бие даасан тайлан үзэсгэлэнгээ өнгөрсөн жил гаргасан. Эрхэмсайхан багшийн бичиг, зургийн хосолмол урлагийн бүтээлийг улам л олон байгууллага, хүмүүст түгээвэл Монгол хэлээ, үндэсний босоо бичигээ суралцахад тун чухал гарын авлага болно доо. Дэмжиж дэлгэрүүлж байгаа ном, эрдмийн садан олон хүндээ бид баярлаж явдаг. Хүүхэд залууст улам л хүргэмээр байна цааш даа.

“Чихнү чимэг болсон аялгуу сайхан Монгол хэл   

Чин зоригт өвөг дээдсийн минь өв их эрдэнэ юугээн дээдлэн хөгжүүлье...”

 

 

Ө.Рагчаасүрэн. Дархан хот. Бурхантын хөндий. 

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТА СЭТГЭЛ ЗҮЙН ОНЛАЙН СУРГАЛТАНД ХАМРАГДАХ ХҮСЭЛТЭЙ БАЙНА УУ ?