Тулгар төрийн 2225 жил, Их Монгол Улс байгуулсны 810 жил, Ардын хувьсгалын 95 жилийн ой, Үндэсний их баяр-наадамд хууль, дүрмийн дагуу даатгуулсан, 18-аас дээш насны хүчит 1024 бөх барилдана. Барилдах бөхчүүдийг өнөөдрөөс буюу 7-р сарын 8, 9, 10-ны өдрийн 10.00-17.00 цагт Монгол бөхийн өргөөнд бүртгэх ажээ.
Бүртгүүлэхдээ :
Бөхчүүд хоёр хувь цээж зураг, даатгалын төлбөр, иргэний болон цолны үнэмлэхээ авчирч, өөрийн биеэр бүртгүүлнэ. Зарласан хугацаанд бүртгүүлээгүй бөхчүүдийг нэмж бүртгэхгүй болохыг онцлон анхааруулж байна.
Өсвөр 128 бөхийн барилдаанд барилдах 14-15 насны хөвгүүдийг мөн өнөөдөр маргааш хоёр 10.00-18.00 цагийн хооронд Монголын хүүхдийн ордонд бүртгэх ажээ. Барилдаанд 2000 оны 1-р сарын 1-нээс хойш төрсөн хөвгүүд барилдах юм байна.
Бүртгүүлэхдээ:
- төрсний гэрчилгээ
- эрүүл мэндийн даатгалын дэвтэр
- хоёр хувь цээж зураг
- даатгалын төлбөр тус тус авч ирнэ. Баримт бичиг зөрчилтэй болон дутуу бол бүртгэхгүй болохыг анхааруулжээ.
А.ТҮВШИН
